Invisible Britain - This Separated Isle Penwythnos Cloi

Paul Sng

Mae Paul Sng yn wneuthurwr ffilmiau ac ysgrifennwr o ddwy hil, Prydeinig a Tsieineaidd, sydd wedi ei seilio yng Nghaeredin, Yr Alban, ac mae ei waith wedi ei yrru gan ymchwil trefnus, adrodd straeon creadigol a dull cydweithredol sy’n ymdrechu i gael cynhwysedd ac amrywiaeth mewn pobl a phrosiectau. Yn 2015, aeth Paul ati i sefydlu Velvet Joy Productions i archwilio bywydau a gwaith unigolion sydd wedi cael eu hesgeuluso, eu hymyleiddio neu eu camgynrychioli yn y celfyddydau a’r cyfryngau. Mae rhaglenni dogfen Paul wedi cael eu darlledu ar y teledu cenedlaethol a’u dangos yn rhyngwladol ac maen nhw’n cynnwys Sleaford Mods – Invisible Britain (2015), Dispossession: The Great Social Housing Swindle (2017), Social Housing, Social Cleansing (2018) a Poly Styrene: I Am a Cliché (2021).

Zara Mader

Mae Zara Mader yn ffotograffydd Cymreig o hil gymysg, ac yn ffan fawr o bync. Ymysg ei gwaith blaenorol mae prosiect oedd yn ymateb i safle Poly Styrene ym myd pync, gan gymharu hynny gyda’i safle hi fel artist ffotograffig yng Nghymru.

“Am ein bod ni’n rhannu’r un gymysgedd ethnig mae gen i ddiddordeb ym mha rôl yr oedd hil yn ei chwarae yn y dewisiadau a wnaeth Poly Styrene wrth ddilyn gyrfa lwyddiannus mewn pync, a pha un ai a oedd gan ddosbarth cymdeithasol fwy o effaith ar ei dewis gyrfa. Mae gen i ddiddordeb hefyd yn ei dylanwad parhaus ar fenywod heddiw. Er iddi fod yn wahanol oherwydd ei lliw, a hefyd ei dewis o ddillad pync, mae’n cynrychioli carfan o boblogaeth Prydain - o hil gymysg - sydd yn tyfu mewn nifer, felly rydw i am gwestiynu beth yw bod yn Brydeinig.”

Nicola Heywood-Thomas

Cymedrolwr/Llywydd

Mae gan Nicola dri degawd o brofiad darlledu mewn ystod eang o feysydd. Dechreuodd ei gyrfa gyda BBC Cymru yn syth o’r brifysgol fel ymchwilydd newyddion gan weithio wedyn ar raglen Wales Today fel is-olygydd, gohebydd a chyflwynydd.

Ymunodd ag ITV Cymru fel uwch ohebydd a chyflwynydd ac, am ddeunaw mlynedd, hi oedd prif gyflwynydd newyddion benywaidd yr orsaf. Nicola oedd y cyflwynydd ar gyfer darllediadau mawr allanol byw, gan gynnwys refferendwm y Cynulliad yn 1997 a rhaglen canlyniadau etholiad cyntaf y Cynulliad Cenedlaethol. Bu hefyd yn cyflwyno a chynhyrchu rhaglenni nodwedd a materion cyfoes ar gyfer yr orsaf, gan ennill Gwobr BAFTA Cymru am y Raglen Gerddoriaeth Orau.

Mae profiad radio Nicola hefyd yr un mor amrywiol ac mae wedi cyflwyno rhaglenni newyddion a materion cyfoes, rhaglen ddyddiol ble mae cyfle i’r cyhoedd ffonio i mewn a nifer o raglenni ar y celfyddydau ar gyfer BBC Radio Wales. Mae hi hefyd wedi cyflwyno cyfres ar Radio 4 ac yn gweithio’n rheolaidd ar BBC Radio 3, yn darlledu cyngherddau byw.

Robert Law

Mae Rob Law yn ffotograffydd dogfennol sy’n byw ar Ynys Môn.

Mae ei ymarfer yn canolbwyntio ar ffotograffiaeth ddogfennol, gan roi cipolwg ar amgylcheddau gwledig a threfol a’r bobl sy’n rhan ohonyn. Gyda chymaint o ddelweddau tirwedd yn cael eu cynhyrchu ar draws Gogledd Cymru, mae Rob o’r farn ei bod hi’n bwysig dangos bod hwn hefyd yn le ble mae angen i bobl fyw a gweithio. Sefydlodd Prosiect Gogledd Cymru yn 2019 er mwyn annog a dangos y gorau o ffotograffiaeth ddogfennol yn y rhanbarth. Mae hefyd wedi cyfrannu sawl delwedd sydd yn y llyfr a'r arddangosfa.

Inès Elsa Dalal

Mae Inès Elsa Dalal yn artist ac addysgwr o Birmingham, sy’n byw ar hyn o bryd yn Llundain.

Mae Dalal yn arbenigo mewn ffotograffiaeth ddogfennol a moeseg portreadu.

Mae hi wedi ymrwymo i wynebu anghyfiawnder systematig, megis hiliaeth a senoffobia.

Fe’i ganed yn Nottingham (1990) i fam Swisaidd, Eidalaidd a thad Almaenaidd, Parsi (Iranaidd-Indiaidd), ac mae ei threftadaeth gymysg yn goleuo tynerwch ei hymagwedd tuag at bobl ddaw i eistedd i gael eu portreadu, a’r cymunedau y mae’n cyd-gynhyrchu â nhw.

Comisiynwyd yr arddangosfa solo ‘Here to Stay’ gan y GIG fymryn cyn Sgandal Windrush, ac mae wedi bod ar daith ledled y DU ers 2018, er gwaethaf y pandemig parhaus.

Mae Dalal hefyd gweithio’n genedlaethol fel tiwtor ac yn darlithio’n rhyngwladol.

Mymuna Soleman

Graddiodd Mymuna, sydd o dras Somali-Gymreig o Brifysgol Metropolitan Caerdydd gan gwblhau ei chyrsiau, BSc Iechyd a Gofal Cymdeithasol ac MSc Iechyd y Cyhoedd Cymhwysol yn 2014 a 2016.

Mae Mymuna yn actifydd, yn fardd ac yn hyrwyddwr cymunedol dros bob mater sy’n ymwneud â chydraddoldeb, amrywiaeth, hil a braint pobl Wyn, a sut gall pobl ddefnyddio eu braint er da. Yn fwy diweddar, sefydlodd Mymuna The Privilege Café, rhith-wagle pwysig ac amserol a sefydlwyd ac a wreiddiwyd yn y syniad o greu gwagle diogel lle mae lleisiau sydd wedi eu gwthio cyhyd i’r cyrion ac sy’n lleisiau ‘arall’ bellach yn cael eu croesawu a’u cynnwys, eu parchu a’u clywed. Mae Mymuna wedi cynnal nifer o sesiynau rhithwir llwyddiannus ers dechrau’r Café yn 2020, gan ddenu dros 5,000 o bobl ac mae wedi ymdrin ag ystod eang o bynciau gyda’r ffocws ar ddyrchafu lleisiau o’r cyrion.

Mae hi’n frwd dros ymgysylltu â’r gymuned, gan rymuso lleisiau o’r gymuned, ond yn bwysicach fyth, sicrhau bod perthnasau gwirioneddol yn cael eu meithrin gyda llunwyr polisïau, i ddylanwadu ar newid cadarnhaol. Gobaith Mymuna yw y bydd y rôl yma yn ei galluogi i drosglwyddo’r sgiliau y mae hi wedi ei hennill o ran ymgysylltu â’r gymuned, ac adeiladu perthynas a chysylltiadau ystyrlon cadarnhaol rhwng cymunedau a’r rhai sy’n gwneud penderfyniadau.